ʻO “ka ʻula wena” hoʻi, he ʻula e weweo ana me he kapa paʻiʻula lā i hohola ʻia maila ma luna o ka ʻāina i ka puka ʻana mai o ka lā i Kumukahi, ka peʻa kaulana i ka hikina o nā moku. ʻO ka ikaika ia o ka lā nui a Kāne, i māhuahua aʻe i loko o nā lāʻau o ka ʻāina a me nā holoholona āna e hānai ai. He ʻula kēia ua ʻikea i loko o ka mele a me ka moʻolelo, a i waena hoʻi o nā pilikana. Kinikini hōkū ka nui o nā ʻula like ʻole o kākou. ʻIkea ka ʻula ma ke kino, ka naʻau, ka pili ʻohana, a me ke aloha welawela. Ma ona lā nō e kapu ai ka mea kapu, a waiho kaʻawale ʻia ai hoʻi ka mea noa.

Ke hoʻohiwahiwa aʻe nei ʻo Ka ʻUla Wena: Oceanic Red i nā ʻula like ʻole o Moananuiākea, pū nō me ka ʻula o ko kākou pilina.